Fin do proxecto

Damos por concluído o proxecto Meteoescolas no curso 2013-2014 publicando a táboa con todos os datos obtidos ao longo destes meses. Esperamos que este proxecto teña continuidade en vindeiros cursos. Moitas grazas a todos os que o fixeron posible.

Construción de instrumentos meteorolóxicos caseiros

Os alumnos de 3º PDC que participan no programa MeteoEscolas costruíron os seguintes instrumentos meteorolóxicos caseiros:

Anemómetro

Barómetro

Pluviómetro

Viraventos

Os alumnos de 4º da ESO, nas suas clases de informática, traballaron en crear unhas táboas e graficas a partir dos datos obtidos pola estación meteorolóxica do centro. Para elo empregaron a folla de cálculo do Libreoffice, Calc. Este é o resultado:

 

Experimentos: presión atmosférica e temperatura

Os alumnos de 3º ESO propuxéronse realizar unha serie de experimentos para axudar a comprender mellor que é a presión atmosférica e por que se quentan máis os continentes que os océanos. Os resultados amósanse nos seguintes vídeos:

PRESIÓN ATMOSFÉRICA

A presión atmosférica, aínda que non o percibamos, exerce unha considerable forza sobre a superficie do planeta. Defínese como a forza que exerce unha columna de aire por unidade de superficie terrestre.

• Auga que non cae

• Experimento do ovo

A TEMPERATURA

A terra e a auga teñen un diferente comportamento térmico. A capacidade que ten a auga de almacenar enerxía calorífica é moito maior que a da terra. Esta diferenza maniféstase en que a superficie continental quece e arrefría máis rapidamente que a oceánica, polo que as oscilacións de temperatura no mar son menores. Durante o día o mar acumula bastante calor, que cederá lentamente durante a noite. Así, as grandes masas de auga dos océanos actúan como reguladores do clima, suavizando as temperaturas extremas.

• Temperatura da auga e da terra

Velocidade do vento

Os alumnos de 1º ESO construíron un sinxelo aparato que nos permitiu medir a velocidade do vento. Basicamente consiste en unir, mediante un fío, unha pelota de ping-pong a un transportador de ángulos.

















Ao soprar o vento, éste despraza a pelota de forma que a maior intensidade do vento maior será o ángulo que forma a pelota coa vertical. Para convertir os ángulos en velocidade empregamos a táboa da dereita (fonte: unidades didácticas de meteogalicia).

 

Xa temos logo!!!

Despois de ampliar o prazo para elexir o logo que representará o noso proxecto meteorolóxico por fin temos un gañador:

Os resultados da enquisa foron:

Termómetro de alcohol

Hoxe, os alumnos de 2º ESO fabricaron un termómetro caseiro na clase de Ciencias da Natureza. Grazas a esta experiencia agora coñecemos mellor como funciona este instrumento básico da nosa estación meteorolóxica.

CONSTRUCIÓN ESTACIÓN METEOROLÓXICA

Os alumnos de 3º ESO PDC fixeronse cargo do deseño e construción da estación meteorolóxica na clase de Tecnoloxías.

Elixe o logo de Meteozas!

Vota polo logotipo que máis che guste para representar (blog, páxina web, documentos, etc) o proxecto MeteoZas.

Os logos foron creados polos alumnos de 4º de ESO na clase de informática empregando o programa Inkscape.

Prazo de votación aberto ata o venres 25 de abril (AMPLIADO ata o 16 de maio).

Enlace para votar

Queda inaugurada a estación meteorolóxica MeteoZas!

Hoxe comezamos a anotar os datos de precipitacións, temperatura máxima e temperatura mínima. Realizaremos un seguimento semanal, polo que non teremos datos dos periodos non lectivos: vacacións e fins de semana. Durante o próximo mes e medio, os encargados de realizar a lectura dos datos serán os alumnos de 5º e 6º de Primaria.

Recreando o experimento de Torricelli

Os alumnos de 1º ESO recrearon a experiencia desenvolvida por Torricelli no século XVII. Para o desenvolvemento desta actividade contaron coa axuda e supervisión do profesor de Ciencias da Natureza.

 Con este experimento, coma Torricelli, trataron de demostrar que o aire pesa e exerce unha presión equivalente a unha columna de Mercurio de 76 centímetros de alto. Así podemos concluír que o valor da presión atmosférica equivale ao de unha columna de 760 mm de Hg.

Comeza a andaina

Con retraso, pero o proxecto MeteoEscolas arranca no CPI de Zas. Nas próximas semanas instalaremos a nosa particular estación meteorolóxica, composta por un pluviómetro e un termómetro de máximas e mínimas, e acto seguido comezaremos coa recollida de datos. O deseño e a construción da estación está sendo levado a cabo polos alumnos de 3º de ESO coa supervisión de Sibila, profesora de tencoloxía.

Ao longo dos vindeiros meses, o alumnado de ESO e o de 5º e 6º de Primaria anotará diariamente as variables meteorolóxicas e subirá os datos a web de Meteogalicia. Pero a cousa non queda aí, ademais, realizaremos unha serie de actividades que nos acheguen ao mundo da meteoroloxía: experimentos científicos, interpretación dos mapas do tempo, análise de datos, o tempo no refraneiro, etc. 

Esperamos que este proxecto, que hoxe bota a andar, teña un longo percorrido e achegue a toda a comunidade educativa o interés pola meteoroloxía.